Dýraeigandi velur þá þjónustu sem þarf, eins og göngutúr, pössun, heimsókn eða snyrtingu og setur inn dagsetningu. Þú getur þá séð prófíla þjónustuaðila, verð, staðsetningu og umsagnir til að finna þann sem hentar þér og dýrinu þínu best.
Notaðu örugga spjallið til að senda þjónustuaðila skilaboð. Ræddu þjónustuna, tímasetningar og hvernig þú vilt að umönnunin fari fram. Þegar þið eruð sammála bókar þú og greiðir fyrir þjónustuna.
Nú er tími til að njóta.
Þjónustuaðilinn nýtur þess að vera með dýrinu þínu og sinnir því samkvæmt samkomulagi.
Þú getur slakað á og vitað að dýrið þitt er í góðum höndum.
Þegar þjónustunni er lokið fær þjónustuaðilinn greitt í gegnum öruggt greiðslukerfi.
Það er líka vel þegið ef þú gefur stjörnur og skrifar umsögn, þannig hjálpar þú öðrum að finna góða þjónustu og styður við þá sem sinna dýrunum af alúð.
Dýraþjónustan ehf er nýtt íslenskt fjölskyldufyrirtæki, stofnað af fólki með áralanga reynslu af dýrum og djúpa ástríðu fyrir velferð þeirra.
Við viljum hjálpa dýraeigendum að finna trausta og ábyrga þjónustuaðila sem bjóða upp á pössun, heimsóknir, göngutúra, umhirðu, þjálfun og fleira.
Hvort sem um er að ræða hund, kött, hest, fugl, fisk eða hamstur, þá finnum við lausn sem hentar ykkur, miðað við þarfir hvers dýrs og eiganda.
Við erum með tengiliði og aðstoðarfólk víða um land og getum brugðist fljótt við ef eitthvað kemur upp, til dæmis ef þjónustuaðili veikist eða þjónusta rofnar. Við viljum að þú getir treyst því að dýrið þitt sé í góðum höndum.
Vert að nefna:
Þessi vefsíða er splunkuný og í stöðugri þróun. Við erum að læra, laga og bæta og þiggjum allar góðar ábendingar með opnum örmum.
En markmiðið er einfalt: að skapa bestu mögulegu þjónustu fyrir eigendur og dýr.
